kharch ho jatey isi ik mohabbat men' Dil agar aur bhi seeny men hamary hotey...

Roz-o- shab yon na aziyet men guzary hotey'
chain aa jata agar khail kar haarey hotey,

khud se fursat hi muyassar nahi hai warna'
Ham kisi aur k hotey to tumhary hotey,

Tu ne bhi gham ko agar theek se parha hota'
Tery chehry pe khad-o-khaal hamary hotey,

Ik bhi moj agar hamari himayet karti'
men ne us paar kai log utary hotey,

lag gai aur kahin umar ki ponji warna'
zindagi ham teri dehleez pe haary hotey,

kharch ho jatey isi ik mohabbat men'
Dil agar aur bhi seeny men hamary hotey...